بطاقة فيزا مسبقة الدفع من بايونير|وشرح البنك

بايونير دا واحد من اجمل البنوك اللى انتا ممكن تتعامل معها سواء كان من الدعم الفنى او سهوله التحكم والتواصل وارسال واستقبال الاموال البنك دا بالرغم انو جميل جدا ولكن للاسف مش بالشكل الكامل فالكمال لله وحده ومع ذالك لازلت بستخدمه لان فى الحقيقه مش هتلاقى انسان عمل دخل كويس من الانترنت ومكنش معاه بايونير او متعاملش مع بايونير

مميزات بنك بايونير

بطاقة فيزا مسبقة الدفع من بايونير|وشرح البنك

البنك دا اللى بيميز انو مدعوم على اكتر من موقع ربحى او ممكن نقول عمل على الانترنت البنك دا ممكن من فتره مكنش حد يعرف عنو  اى حاجه

اما حاليا بقى واحد من البنوك اللى مفيش موقع قدر يتغنى عنو فى ارسال  الارباح للعملا او مستخدمين الموقع وبالاضافه انك هتلاقه موجود فى مواقع Freelancer و Upwork وحتى مواقع اختصار الروابط بالاضافه ان جوجل حتى بتستخدم الموضوع دا فى ادسنس

بالاضافه ان دا الموقع الوحيد اللى ساعدنى ابدا طريقى فى مجال العمل على الانترنت والاستفاده منو ومن سن صغير فاللامانه لازم تتعامل مع بايونير

ماذا سنشرح لكم عن بنك بايونير

بطاقة فيزا مسبقة الدفع من بايونير|وشرح البنك

وفى تدوينه اليوم اكيد هنشرحلك ازاى تستخرج فيزا بايونير وهتيجى باذن الله لحد عندك من غير اى تكاليف وهكلمك عن ازاى تشحن الكرت وارسال الاموال والتفعيل وغيرو وباذن الله مش هتحتاج غير التدوينه دى فى تعاملك مع بايونير

من يجب عليه التقديم على طلب استخراج بطاقه بايونير

بطاقة فيزا مسبقة الدفع من بايونير|وشرح البنك

اول سؤال مهم عندنا “هو مين اللى المفروض يطلع كارت بايونير اصلا” والسؤال دا هرد عليه لان عارف ناس كتير من هواه انهم يعمو اى حاجه طالما بشكل مجانى

الاجابه هتكون ان الكرت دا لو انتا عايز تجيبو وتروح تشحنو من مكان تانى وتشترى سلعه من الانترنت فاكيد الكرت دا مش هيخصك خالص وهتحتاج انك تطلع كارت محلى عادى جدا

كيفيه استخراج فيزا تحت سن 18 سنه

بطاقة فيزا مسبقة الدفع من بايونير|وشرح البنك

ودا كان شرح تفصيلى عن ازاى تطع كارت من بنك فى بلدك من سن 16 سنه بردو ومن غير ميكون فى اى مقدم اطلاقا غير تمن الكرت وفى الغالب بيكون ب 50 جنية https://goo.gl/E8DqaZ

اما لو انتا محتاج الكرت فى انك تقدم شغل على الانترنت وبعدين تستلم الاموال فهتكون دى هى الماستر كارد الوحيده اللى هتفيدك فالتخصص دا

ما هى بطاقه بايونير

بطاقة فيزا مسبقة الدفع من بايونير|وشرح البنك

بطاقه بايونير هى ماستر كارد مسبوقة الدفع مش هتدفع فلوس اطلاقا عشان تستلمها لانها عباره عن جواب عادى هيوصلك عن طريق البريد وهتستلمو بالبطاقه فقط لا غير ولكن بعد كدا بتدفع اكيد لانها مش مؤسسه خيريه دا بنك زى اى بنك موجود فالدنيا

من خلال الماستر كارد ممكن تقوم من خللها بعمليات الدفع سواء فى المطاعم او انك تحصل على الاموال نقدا من خلال مكن ATM

شروط الحصول على بطاقة بايونير

بطاقة فيزا مسبقة الدفع من بايونير|وشرح البنك

وبالنسبه للبطاقه حاليا اصبحت بتطلب عشان تمتلكها حساب بنكى وهسبلك رابط بعد تواصل طويل مع الدعم الفنى بسبب ان فى ناس لا تمتلك حساب بنكى والاجراء دا اخدتو بايونير بعد مستنتجت ان كل فرد بيطلع اكتر من بطاقه بنفس الاسم وبغير فى البيانات وقدملى البنك رابط لا يطلب حساب بنكى https://goo.gl/Lba4wv

متى ستأتى بطاقة بايونير

بطاقة فيزا مسبقة الدفع من بايونير|وشرح البنك

اما بالنسبه للحساب اللى هتمتلكو هيكون بالدولار الامريكى وبالنسبه للسؤال اللى جالنا كتير بردو وهو امته اقدر استخدم الفلوس بعد متوصل للحساب بتاعى فى بايونير

والاجابه هتكون مش 15 يوم عمل او يوم واحد حتى زى مالبنوك فى مصر بتعمل فانت من خلال بايونير هتقدر تستلم الاموال فى خلال سعتين او تتحكم بيهم بشكل كلى خلال ساعتين فقط

انت مجرد مبتقدم الطلب للبنك بيبدا فى مراجعه حسابك على الفور وبيبدا فى عمل الفيزا الخاصه بيك وبيرسلها عن طريق البريد ولازم وانا تفكر وانتا بتكت العنوان 100 مره عشان تتاكد ان الجواب اكيد هيوصلك ومش هيروح لحد تانى

طريقه كتابة العنوان بشكل صحيح

بطاقة فيزا مسبقة الدفع من بايونير|وشرح البنك

طيب بالنسبه للناس اللى لسه مبتعرفش تكتب العنوان وهو هيتكتب على الشكل الاتى “3-2-1” طبعا هتكتب بالانجلش ورقم واحد مكانو اسم الحى ورقم 2 مكانو بتكتب رقم البيت ورقم 3 بتكتب مكانو اسم الشارع وطبعا بالشكل دا مثلا Elagezy 15 Alheat

اما بالنسبه للمحافظه والبلد فانتا هتحطهم فى حقول مختلفه تماما

اهيمية الرقم البريدى ومن اين ستحصل عليه

بطاقة فيزا مسبقة الدفع من بايونير|وشرح البنك

ومتنساش طبعا الرقم البريدى ودا ممكن تحصل عليه من خلال الانترنت او من خلال تنزل وهتلاقى مكتوب عن مكتب البريد رقمو على لوحه المدخل او اسال اى حد هنا ودا لان اى مشاكل هتحصل من خلال الرقم البريدى هتعرف الماستركارد هتلاقيها فى انهو مكان بالتحديد من مكاتب البريد فى بلدك

متى استطيع استخراج بطاقة بايونير

بطاقة فيزا مسبقة الدفع من بايونير|وشرح البنك

ومن الاسئله بردو الاكثر تكرارا هو انا المفروض يكون سنى كام عشان اقدر اقدم طلب للحصول على ماستر كارد بايونير ؟

لو جينا للجانب القانونى فلازم سنك يكون 18 سنه اما لو جيت من خلال كلمنا فانتا ممكن تطلعها حتى لو عندك 10 سنين ولكن بعد مبتستلم الماستر كارد وبعد فتره 6 شهور تقريبا وبعد التاكد من صحه البينات بيتم ايقاف الماستركار د بشكل مؤقت لحين بلوغ السن القانونى

رسوم بطاقة بايونير

بطاقة فيزا مسبقة الدفع من بايونير|وشرح البنك

وطبعا كلكو مستغرابين من ال 706 كلمه اللى فوق دول كلهم وان كلها مميزات واكيد بيدور فذهنكو ومن خلال كلامى انك هتستلم البطاقه وتنام وتقوم وهى معاك من غير ما ادفع ولا جنيه واحد حتى

لو انتا استنتجت كدا فعلا فكلامك سليم تماما وهننتقل بقى لنقطه مهمه جدا وناس كتير مبتتكلمش فيها وهى الرسوم

فى حاله استلام ارباح من اى موقع او اى مكان اخر فانت بيتخصم منك 1% بمعنى لو استلمت 100 دولار فبيتخصم منك 1 دولار وبتبقى معاك فى حسابك 99 دولار ودى عموله للبنك

بالاضافه ان فى قيمه رسوم سنويه وهى 29.95 دولار بمعنى اخر 30 دولار سنويا

هل سيتم سجنى اذا لم ادفع الرسوم السنويه

بطاقة فيزا مسبقة الدفع من بايونير|وشرح البنك

من الاسئله المهمه جدا هل لو انا استخرجت الفيزا وفضلت معايا سنه كامله وجينا لوقت دفع ال 30 دولار ومكنش فى اى رصيد فى الفيزا هل هيكون فى اى مسائله قانونيه او هيتم اغلاق الحساب ؟

الاجابه طبعا هتكون وبالتاكيد لا . ولا هيكون فى اى مسائله قانونيه وايضا مش هيتم اغلاق الحساب ولنفترض مثلا جالك بعد متممت سنتين مع البنك وجالك 100 دولار فهما بيخصمو ال 30 بتوع السنه الاولى وال 30 بتوع السنه التانيه

ودا كان الفرق بكل بساطه بين الغرب والشرق لو انتا فى اى دوله عربيه كان تم سجنك بكل تاكيد

ودا الفرق انهم بيدعمو الفاشل حتى ينجح واحنا هنا بنقتل فالفاشل لحد منقع نفس اهلو .

ماذا افعل اذا سرقت بطاقه بايونير

بطاقة فيزا مسبقة الدفع من بايونير|وشرح البنك

اما فى حاله انك فقدت البطاقه او اتسرقت منك والسارق هيقدر انو يستخدمها فانت تقدر توقفها وتطلب ماستر كارد بديله لها بتمن 13 دولار فقط لا غير

وفى حاله سحب رصيد من مكاكينات ال ATM فبيتخصم منك 3.25 دورلا على اى مبلغ نقدى سواء كان 200 جنيه او 2000 جنيه او حتى 2000000 جنيه فهما بيخدو فقط عموله ثابته وهى 3.25 دولار

ومن اهم النقط اللى لازم تاخد بالك منها ان الفيزا وقت متحب تجربها فى ماكينات ال ATM لازم يكون فيها على الاقل 1 دولار عشان تعرف تخرجها تانى برا المكنه وعلى المستوى الشخصى فى تعاملاتى مع ماكينات ال ATM وبنسبه 99% كانت بتعمل بكل سلاسه مع البطاقه وفى بعض الماكينات لا تعمل وبكل اسف ونسبتهم هى 1% فقط ورسوم سحب البطاقه فى حين عدم اجراء اى عمليه او سحب اموال فيتم خصم 1 دولار من الحساب لصالح البنك المستعمل

بيكون فى عموله 2% فى حاله تحويل مبلغ من حساب بايونير لحساب اخر وبيكون الحد الادنى لارسال الاموال هو 50 دولار

ومن راى لو انتا فعلا شغال وتعبان على مبتكون فلوسك فى العالم الافتراضى “الانترنت” ففعلا كل الرسوم دى مش هتكون بتمثلك اى اهميه اطلاقا اما لو بتجرب فستدقنى مش هتستفاد اى حاجه منها اطلاقا

طريقة ربط بايونير بالباى بال

بطاقة فيزا مسبقة الدفع من بايونير|وشرح البنك

ومن الاسئله الاكثر تكرارا ، هل بنك بايونير يمكن ربطه بالباى بال ام لا ؟

الاجابه وبكل اسف هتكون “لا” وبسبب ان وجود مشاكل بين كلا البنكين وكان فيما مضى كان يقبل اما الان فلا يدعم الباى بال بيونير اطلاقا واما بالنسبه للمستقبل فالله اعلم بشان هذا

كيفية ربح 25 دولار من بايونير

بطاقة فيزا مسبقة الدفع من بايونير|وشرح البنك

وناس كتير بتفكر فى ال 25 دولار واللى اكيد ناس كتير سمعت انها تقدر تصرفهم اول مبتحصل على الماستر كارد مباشرتا ؟

الكلام هذا ليس لهو اى اساس من الصحه وفى حقيقه الامر انك بتكسب 25 دولار فى حالتين 2 فقط لاغير وتعالى مع بعض نتعرف عليهم اخواتى الاعزاء

الحاله الاولى هى انك تسجل من خلال رابط معين ولازم يكون ليك حساب بنكى فى حاله انك حابب تربح 25 دولار “ https://goo.gl/G3w2Ca ” وبعد ميكون فى حسابك رصيد 100 دولار فالبنك بيقدملك هديه نقديه بقيمه 25 دولار

والحاله التانيه بعد مبتسجل من الرابط وبتفعل حسابك بشكل كامل بيكون ليك رابط دعوه ودا اللى من خلالو بتدعى اصدقاء وبعد مبيوصل رصيد الصديق لقيمه ال 100 دولار البنك بيقدملك هديه نقديه بقيمه 25 دولار فقط

عيوب بطاقة بايونير

بطاقة فيزا مسبقة الدفع من بايونير|وشرح البنك

ووصلنا لنقطه عيوب الحصول على بطاقه بايونير :

العيب الاول والاخير ان التكاليف والعمولات مرتفعه جدا ولاكن زى مقوالنا لو انتا شغال مش هتحس بالمصاريف دى اطلاقا اما لو حب التجربه ولم تستفد بها اطلاقها فهيكون بالنسبالك تكلفها مرتفعه جدا

متى ساحصل على بطاقة بايونير بعد ان قدمت الطلب

بطاقة فيزا مسبقة الدفع من بايونير|وشرح البنك

وبعد كملنا بنقدم للحصول على بطاقه بايونير فيهمنا اننا نعرف هى بتوصل بعد اد ايه وبتستهلك كام يوم عمل ؟

الاجابه هى ان البطاقه بتوصل فى خلال 25 يوم ل 45 يوم عمل اما في حين عدم وصول البطاقه فبتضطر تلجا لراسه التتبع الخاصه ببايونير وبتعرف هل وتم وصول الماستر كارد لمكتب البريد ام لا

طريقة شحن بطاقة بايونير

بطاقة فيزا مسبقة الدفع من بايونير|وشرح البنك

وباعتبارنا امتلكنا البطاقه هل لو حبينا نشحنها هتكون ازاى ؟؟

السؤال دا اللى كنت بسالو لنفسى فالبدايه وملقتش اى رد منطقى على الانترنت ولكن استنتجت اربع طرق تقدر تشحن بيهم بطاقه بايونير :

اول طريقة : انك تحول رصيد من حسابك على اى بنك الكترونى على الانترنت للحساب الخاص بك على بايونير

تانى طريقة : انك تطلب من صديق يمتلك رصيد فى الحساب الخاص بيه فى بايونير بتحويل لك المبلغ المطلوب واقل مبلغ للتحويل هو 50 دولار

ثالث طريقة : انك تحول من اى فيزا اخرى لبايونير وايضا اقل مبلغ للتحويل هو 50 دولار

رابع طريقة : انك تحول رصيد من احدى المواقع الربحيه على بايونير

وكان دول الاربع نقاط وليس لهم خامس مطلقا

طريقة استخراج بطاقه بايونير

بطاقة فيزا مسبقة الدفع من بايونير|وشرح البنك

جينا اخيرا لطريقه طلب ماستركارد بايونير

بعد مهتقوم بفتح الرابط هيظهر معاك على النحو التالى

1- اكتب اسمك فقط

2- اكتب اسم الاب فقط

3- قم بكتابة الايميل الخاص بك

4- اعد كتابة الايميل الخاص بك

5- ادخل تاريخ الميلاد يجب ان يتخطى سن 18 سنه او قم بادخال اليوم الصحيح والشهر والصحيح وتلاعب فى سنه الميلاد ولكن سيقف الحساب بعد حوالى 6 اشهر وعند وصولك للسن القانونى بيتم اعاده تنشيط الحساب مره اخرى من قبل البنك

6- قم بادخال الكود الظاهر امامك فى الصوره

واضغط على Next

1- قم بتحديد الدوله التى تسكن بها

2- ادخل العنوان بالشكل الذى ذكرناه فى اعلى التدوينه

3- لا تدخل اى شئ فى العنوان رقم 2

4- ادخل اسم المدينه التى تسكن بها

5- حدد نوع الهاتف الخاص بك سواء كان منزلى او هاتف جوال

6- حدد كود الدوله

7- قم بكتابة الرقم الهاتف الخاص بك

وقم بالضغط على Next

بطاقة فيزا مسبقة الدفع من بايونير|وشرح البنك

1- قم بكتابه الباسورد ويجب ان يحتوى على حروف كبيره وصغيره وارقام مثل هذا “Mohammed665” ويجب ان يكون بالانجليزيه

2- قم باعاده كتابه الباسورد

3- قم باختيار سؤال الامان وسوف تحتاجه فيما بعد

4- ادخل اجابه خاصه بسؤال الامان لا احد يعلمها غيرك

5- ادخل الكود الكابتشا الموجود بالصوره

ثم اضغط على Next

1- اترك الخانه الاولى كما هى

2- اكتب الرقم القومى بالكامل اما فى حاله لم تصل للسن القانونى قم بتعديل سنه الميلاد فقط

3 قم باموافقه على اخر ثلاث شروط بالاسفل

ثم اضغط على Order

بعدها هتوصلك رساله على الايميل ان الحساب قيد المراجعه ثم رساله خاصه بالقبول

وبعد فتح الاكونت سيطلب منك اختيار سؤالين امان والاجابه عنهم ايضا

الفديو دا بحاول فيه اربطلك كل الكلام اللى فوق بانسبه لكلا الشرحين فهما مكملين لبعض

ثم تهانينا وصلت لنهايه الشرح وانا شخصيا كنت سعيد جدا بكتابه المقاله الجميله دى لان ناس كتير بتقف وبتتراجع عن الطريق اللى هى بدات فيه بسبب وسائل الحصول على الاموال وفى الشروحات القادمه ساتعمق فى باقى البنوك الدوليه والمحليه لجعل المواطن العربى من افضل على العالم كان معكم محمد صلاح من موقع ديجيتال تكنولوجى

متنساش تشترك فى القناة

رابط صفحتنا على الفيسبوك https://goo.gl/75PB36

رابط الجروب على الفيسبوك https://goo.gl/hvSZxj

 

SHARE
RELATED POSTS
وفر من 100 الى 1000 دولار بعد فهم هذه الحلقه ومشاكل تشفير الملفات
كيفيه توثيق قناه على اليوتيوب لاثبات الملكيه
How to document a channel on YouTube to prove ownership
البنك العربى الافريقى وطلب استخراج فيزا للانترنت
البنك العربى الافريقى وطلب استخراج فيزا للانترنت
1 Comment
  • mohamed
    30/10/2017 at 17:47

    شكرا لك اخي لقد ساعدني هذا المقال كثيرا في الحصول علي حسابي في شكرا لك اخي مقال جميل جدا و يساعدك كثيرا في مجال الربح

Leave Your Reply

*